(第七天) 1月16日 星期五
新宿~鎌倉/江の島~東京迪士尼樂園
原本的行程是 鎌倉半天遊 + 橫濱 或者返東京去淺草雷門 ....
但昨天 個個行得、玩得都好攰，今朝 珊姨姨 和 聰哥哥 話要訓晏 D 再自己揾節目，所以變了自由活動；咁我哋一家三口就和婆婆、國國 輕鬆地吃完個早晨套餐後 便起程去 鎌倉了。
其實 我們一家人在旅行時 比較喜歡 睇當地文化 和名勝景色，shopping 就可有可無都得。 至於為何今次選擇來 鎌倉 走一趟，是因為心想在東京附近 找一處有特色的鄉下地方 走走，而車費又不會太昂貴的 ..... 在搜集資料時看到了這樣的介紹 :
"" 鐮倉市位於神奈川縣東南部, 三面環山, 面朝大海, 曾經是自然的要 塞。 在鐮倉, 您會看到許多神社和寺院, 仿佛"小京都"一般 , 無論是對日本人還是外國人, 都是一塊美麗十足的勝地。 如果您厭倦了東京那種大都市的紛繁, 不妨來到試一試 鐮倉一日游。.... ""
在香港的網站上所用的地方名 "鐮倉"，原來在日本看到的漢字 是寫作 "鎌倉" 才對呢 ！
**************************************************************************
在新宿買了去 鎌倉/江の島 的 1日 JR Pass 後，我們便開始遊 「車河」了 - - 由新宿 搭湘南線 去 大船 再轉去 湘南 江の島，行去江の島駅 轉電铁去 長谷駅 行 10分鐘 去看鎌倉大佛 ....
* * 天氣好到不得了，不過好乾燥 .... 衡衡都要搽 lip balm 保護一下個咀仔。
* * 列車正前往 湘南 江の島 - - 好有趣，可能由於這一帶 房屋比較密集，平地又少，所以這列車 的路軌不是在地面而是在半空中的呢。
* * 沿途景色很美，還看得到 富士山 呢 ！
* * 竟然有人為這 4隻鐵鳥 穿上衣服呢 - - 很可愛。
* * 在 電鐵 上 - - 衡衡 話「呢埋」等相機影佢唔倒 .... 哈！
* * 坐著 電鐵 沿途看到長長 的海岸，聽聞 夏天有不少人來玩滑浪的。 這 電鐵 出名古舊 又非常接近民居，就正正在人家的門前 或 後園經過，... 記得中途 停在其中一個小站，當你一踏出車門 差不多就是 某寺院的門口； 停在另一個小站，又當你一踏出車門 差不多就是 墓園的入口了 .... 你話幾有鄉土氣色呢 ！ 
* * 下車後 沿著一條直路走，路旁也看到一些特色的小店。 這一間是專賣 貓貓擺設 的...
* * 店內 燃放了一些香薰，誰知衡衡 話好臭好難聞，用手按鼻不放，又扮作嘔又話暈，點都不肯進入店內 ..... 唉~ 真失禮 .... 不過 我們各人也能在此買了些小手信。
* * 好好好味 的紫芋頭炸餅 - - 100円 一個
來到了神社 - - 高德院。 原來要比入場費，都無計喇 ....
鎌倉大佛 - - 與奈良大佛一樣被視為日本國寶的鎌倉大佛。 建於 1252年，原為木造，後來因日久損毀 而改為銅鑄。
不知為何 衡衡 從遠處看到這大佛便嚷著不想看了，所以 她一直也是背對著大佛的位置，又要抱 完全不肯落地 .... 當 Daddy 話要抱她行近 大佛時 衡衡 還哭了出來呢。 所以有時 小孩子的內心真的很有趣，但又很率直。
* * 很久沒有看過這種雪糕格仔餅了 - -
* * 本來打算坐電鐵 再到另一個景點 - - 鶴岡八幡宮 。 不過因要行路又要上排長石梯 ，驚 婆婆會勉強自己而跟我們走上去，辛苦了她 .... 所以最後放棄了，就搭 JR 回新宿 吃午飯去。
**************************************************************************
回到 新宿已經 2點了，快快由 西口出地面到 北澤俱樂部 吃壽司。 雖然價錢唔係平，不過 D 魚生又真係好新鮮好鮮甜 ..... 特別推介了 大帶子 和 海膽 比婆婆 和 國國 嘗試，連婆婆都話 好食。 不過如果 你係 turbo 口要食好多碟 又要經濟嘅話，我想 這一間就並不是 your cup of tea 喇。
* * 衡衡 食咗 3件 鰻魚 話好好味 - -
* * 之後是自由時間， 國國帶婆婆 返酒店休息 然後佢自己再在新宿 逛一逛行街； 而我們一家三口呢 - - 今早 Daddy 已經有個可怕的想法，便是打算下午時段 帶衡衡 去東京迪士尼 玩。 你要知道當你 下午 3點 仲係新宿，又要自己搭 JR 到舞濱 ... 咁幾多點鐘 先到達迪士尼 呢 ？ 仲要今日係平日 無半日票賣 ..... 不過 Daddy 為了要 衡衡 有意外驚喜，所以乜都無計喇 ！
**************************************************************************
* * 原來由新宿 搭京葉線 在途中行去轉車 到舞濱 - -> 條路係咁漫長 .... 行死人！ 千叮萬囑 Daddy 今晚一定要揾條 舒服 D 嘅路線 回酒店。
* * 已經係下午 4:45 分喇！ 走呀走 ... 快 D 走入場先 ... (見人地 攞住 大包小包趕住走，而我地三口子就 趕住入 ... 好有趣 ！)
不過令人震驚的事又來了 ..... 票務處話 樂園 今晚收 7 點 ！！ 
唔係呀嘛 ！？ 咁咪得番 兩個鐘頭 玩？ 好吧，一場黎到，又見衡衡 已經 雙眼發亮 地嚷著 快些帶她入場 .... 好，玩就玩喇 ！！
* * 做 父母 嘅 費周章 費力氣 咁為大小姐 張羅 - - 希望能盡量好好把握這 兩個鐘玩樂時間 ..... 所以呢 Daddy 一入場趕去租細路仔 Benz ，Mommy 就帶衡衡 去 shopping 先。(因為衡衡 坐住 Benz 咁我地就可以 走快 D 喇 )
* * 衡衡 背着的爆谷桶 是可以無限次添加的
* * 除了玩到幾個遊戲之外， 我地仲可以睇埋 花車夜燈巡遊添 - - Happpppyy !!!
* * 商店大街 - -
* * 排山倒海的禮品 - - 我地睇到唔想走呢 ...
... 我們乘搭了直達巴士 由迪士尼 直接回新宿(新南口) 在 高島屋下車，非常方便 又近我們住的酒店，... Daddy 真係一個人肉 GPS，真抵錫。
**************************************************************************
* * 又玩了一整天，回酒店前買了 吉野家外賣 (大盛) 返房食，Yummy Yummy !!
衡衡 係時候訓覺覺豬了 .... GOOD NIGHT ~ ~
勁呀, 咁短時間都入到Disneyland, 一日仲可以去咁多地方。
回覆刪除