(第五天) 1月14日 星期三
札幌~二条市場/ 狸小路(買手信)~新千歲機場~東京新宿
今天是在北海道的最後一天，我們將會乘搭下午 3時正的班機飛往東京羽田，在新宿住多 3晚。 好吧，早上大家再來個豐富的酒店早餐，之後退了房 寄存所有行李後，我們便起程去 二条市場 揾長腳蟹吃了。 由於不想 婆婆 行得太勞累 ，而且在第三天 早上我們也嘗試過 由酒店沿途行去 狸小路 又經過 二条市場，所以今天省省 腳骨力 改乘搭地下鐵由札幌駅 去 薄野。 天氣 就是非常難測的，行落去札幌駅，當我們說今早的天氣 是這幾天以來最好的時候 (無落雪，無陰天，有陽光) ..... 到下一站從薄野 走出來時 .... 簡直以為眼花，... 因為突然 又陰天 又落起雪黎，仲要有 D 冷風添 .. 
* * 二条市場 - - 原本最初行程去北海道神宮，不過 大家覺得 黎到北海道，點都 想 品嘗一下 出名大大隻嘅長脚蟹 嘛 ； 所以決定 改行程囉！
這裡的店舖 比想像中少，又開舖做生意嘅都少，所以有 D 冷清 .... 唔通時間唔多啱 ？？ 點都好喇，揾食最緊要 ！
我們一行埋 D 店舖， 店員 便行過來打個招呼 又比隻蟹脚 我哋試食 .... 好食就係好食 .. 不過我哋都係想揾 生猛嘅活蟹呢 。
好彩皇天不負有心人，行咗一大個圈之後 比我哋揾到間 叫 「蟹吉」的專賣北海道多種活蟹的店舖 ..... 正！ 今次有著落喇 ！
經過大家合力一齊 和 賣蟹叔叔 講價一輪之後，終於以 13,000円 (稅後 13,650) 成交了一隻 1.9x kg 的 蟹蟹 (貨式是 8,000円 1kg) .... 點之 好好人嘅 賣蟹叔叔 即時再喺 貨式是 8,800円 1kg 的蟹岡內 隨手執了另一隻 重多少少 嘅 蟹朋友 出來換給 我們 ..... 哈哈，咁識做生意，抵錫 ！ 
* * 呢隻巨無霸 我哋磅過佢 接近 4kg 重 .... 見到成岡 咁大隻嘅活蟹 我地都 " O " 哂咀！ 相信揸住呢 D 大蟹腳 食嘅時候 會誤以為自己揸住隻雞脾呢 ....
* * 樂極生悲 - - Mommy 影影 吓相 比呢隻蟹 用佢隻蟹鉗 夾著手指公嘅 虎口位，真係痛到入心... 嚇到大叫救命！ 賣蟹叔叔 即時幫拖 .... 不過個 虎口位 都夾到瘀咗少少呢。
嘩 ！ 用滾水 boil 30 分鐘後 終於食得喇 ！ 大家都話 : 「非常~ 非常~ 非常~ ~ 之鮮味 ！ 好好食呀！」
吃完蟹 之後離開 二条市場，行過去 狸小路 再買些手信 我們便加緊步伐回酒店取行李了 .....
**************************************************************************
去到新千歲機場，才知道因大風雪關係 多班航機 延遲了，有 D 仲要 取消咗班機 .... 又係好彩，我哋 班機最後 延遲了 3小時 15分 才可起飛。
新千歲機場 內的飲食購物天堂 Fleur - -
等入去登機閘口之前 見還有時間，Daddy 便帶衡衡 到 Kid's Park 玩一玩 鬆一鬆。
**************************************************************************
我們乘搭 JR 由羽田乘車 到新宿 。 由於航機的延誤，所以晚上也沒有節目安排了。 Mommy 和 婆婆 堅持要在酒店休息，... 而 珊姨姨、聰哥哥 和 國國 就一放低行李 便立即出去夜遊新宿 和揾食了。
* * 我們這 3晚也會入住 Hotel Sunroute Plaza Shinjuku
沒有留言:
張貼留言