Vivi Blog 衡衡生活網誌: 北海道東京8天之旅 (第六天) 1月15日星期四

(第六天) 1月15日星期四

新宿～皇宮御苑～池袋防災館～東京巨蛋／後樂園～台場

由於 Mommy 在新宿所預訂的酒店不包自助早餐，所以今早 7:45am 大家便齊齊集合於酒店大堂後一同外出揾食了。 (在北海道已經吃了 4天的酒店自助早餐，所以來到東京的最後 3天，點都想和家人再體驗多些地道的日本，尤其是對於第一次到訪這地方的婆婆；再加上在網上淨訂酒店房 (不包早餐) 係平宜好多嘛 )

小插曲 - - 昨晚初到新宿發覺氣溫很高，比起在北海道時明顯有很大分別 ... (其實係因為我們各人也拖著行李箱上上落落，由 JR站的出口辛辛苦苦拖行李走出地面 (好唔好彩個出口無扶手電梯，相反係一條非常之長嘅樓梯)，所以當時個個都 "熱血沸騰"，見到大街上的溫度器是 9度時，Daddy 、聰哥哥和國國仲除埋件外褸單著件 Tee 都還可以。我們所有人似乎對氣溫太掉以輕心喇 .... 又見早上出大太陽，預告又話有 7、8度，所以個個都著得幾單薄 ... (除了衡衡和寒底嘅 Mommy 之外)；但當大家一行出酒店門口時，那種大風和刺骨的冷令大家大叫救命，即時上番房添厚衣囉！)

**************************************************************************

到附近 Mac 記吃完早餐，我們便走了大約 3分鐘路程到 JR 搭車到池袋。衡衡當然做小幫手幫忙買車票呢 .....

本想到今天的第一個目的地 - 池袋防災館去玩吓地震和走火警，... 係網上 D blog 友話唔洗預約，點知當我地成家人 9點鐘去到詢問處時職員話 9:30am 早場 full 哂，要下午 1:00pm 才有！？唉 ~ ~ 無辦法喇，唯有改改個行程到下個目的地先，然後下午再過來一趟 (所以自由行都有佢嘅好處嘅！)

* * 皇宮御苑 - - 因為婆婆第一次來日本，所以都想帶佢睇 D 有代表性嘅景點

衡衡喺度餵鴨鴨 ...

睇吓幾好天氣 ... 曬到死 .... 不過同時又好凍好大風，刺骨嗰種 .... 睇唔出吧！！

* * 御苑內的二重橋前留影 - -

* * 乘搭 JR列車回池袋途中 - -

** 提早吃個午飯 - - 到出名的池袋「無敵家」吃拉麵 - -

裡面得 17 個座位，幾地道，D 拉麵和湯底都好好味

Mommy 喺網上仲篇咗 D coupon，每人送多隻半熟蛋

Yummy ~ Yummy ~

**************************************************************************

我們又回來了，到今天嘅主要目的地 - - 池袋防災館。

本來並沒有抱太大的驚喜，不過純粹其想體驗一吓 (玩吓) 其中兩個項目地震和走火警，事後覺得原來都非常之有教育意味和叫我們能在短短的時間裡親身體會遇事的應有求生常識。相片就欠奉了，返而我們拍了攪笑的短片 (過程) ，每次我們各人回看也笑到失聲呢 ( 在走火警時真係瘀到 ...無話可說！) 這樣又在今次日本之行加插了一家人可一同分享的回憶了。請看看以下我們自拍的短片吧 : -

1.　煙　： http://www.youtube.com/watch?v=Y9q2GljRGDo&fmt=18

2.　地震： http://www.youtube.com/watch?v=wTyA5Zpgs0c&fmt=18