在衡衡的 熱切要求下，最近 我們買了兩件公主睡裙 送給衡衡，她歡喜得實在以為自己真的變成了公主，晚晚在家也很優雅地著住件 公主睡裙 呢度行 嗰度去 .... 仲成日係屋企條走廊行 fashion show 添 ....
請看看 衡衡為大家演繹的「春季公主睡裙 show」吧 - - 
* * D 影相 pose 全部由衡衡 自己擺 ga ！！ 真係人細鬼大 ！
2009年2月21日 星期六
買衫 週末日 - 14/2/2009
去了 MegaBox 為衡衡 趕購季尾童裝 以留待下一個冬季用 ... 間間舖都減到 3折 、2折 ... 唔執吓D貨 好似都有D對唔住自己咁.....
珊姨姨 將於 3月中結婚了，衡衡 會做小花女呢。 今天帶她來試花女裙，揀了一欵比較歐陸式的設計；不過 Mommy 加了些意見 和 要度身訂造，要月尾才取裙 。
今次個 花女髮型 又要點設計呢 ？
mY nEw piANo - 7/2/2008
我們的一家之主 Daddy 終於拍板為衡衡 買部新鋼琴了， HURRAY ！！
由於看見 衡衡真的很喜歡彈鋼琴，而且也能恆常地自己在家中 練琴；意識到此時衡衡需要認真的去熟習琴鍵 的正確位置和用力，眼看家中的電子琴已經不夠應用了，所以 Daddy 便決定買部新鋼琴回來。
機會難逢地 "K" 牌子做緊很大嘅 promotion，要買新琴黎講真係不二之選； 而且此牌子的琴鍵 比 另一日本品牌的 較為「硬」(讓衡衡好好去練手指力)，音色又較為 厚 和 甜美，所以便決定是 "K" 了 。
* * 上新開的 Selection Centre 揀琴 - -
* * 由於今天這裡有 大師班的演奏會，為免滋擾，所以我們不能在 Centre 的大廳揀琴，而轉移到內裡的琴倉 試琴 - - 有 3 部新琴已經 tune 好等我地試了。
* *我們預約了琴行的大哥哥 代為試琴 .... 經過他一輪 「魔術手」式的試琴後，在場人仕一致 認為以下這一部是最為適合的了 .....
* * 揀好了琴，再睇埋張靚靚琴椅 .... 之後衡衡還高興到大聲 說 :「多謝 Daddy Mommy 買琴比衡衡呀！」 
* * 衡衡呀 ... 妳以後就可以天天在家練琴了。
低班的 華服show
今年買給衡衡 的新年華服 就只是在幼稚園低班的 「華服 show」中出現過，除了在試穿衣服那時之外，... Daddy Mommy 也未能親眼看過你著這件漂亮華服呢 .... 不過好彩有非常之 nice 嘅 同學仔媽咪 幫衡衡 影了相片，還送給我們留念呀 
。
2009年2月19日 星期四
節目巡禮 (年初二 ~ 年初四) - 27~29/1/2009
讓我來個新年簡報吧 - -
[ 年初二 ]
家裡沒有年初二「 開年」的習慣，所以今天基本上是自由時間呢。 接近中午時 到了 契爺契媽的家 向他倆老拜年 ..... 嘻嘻 
他們準備了特別的 米奇利是封 給衡衡呀，她高興得不得了， 最重要係佢聽到 契爺契媽話連 穎妍 都無呢個利是封呢，當堂「四萬咁口 」！
衡衡 和 契爺契媽 - -
還有和 致致姐姐 - -
* * 衡衡 去完日本之後 整整瘦了一大個圈呢 ..... Mommy 和 婆婆 又要比心機去「填鴨」了 ......
**************************************************************************
吃完午飯後 我們帶衡衡 到西港城 Playtown，是第一次慕名而來呢 - - 裡面真係有好多嘢玩！
真係玩到成身臭汗 都唔願走呢 .....
**************************************************************************
晚上 草草吃完我們的晚餐後 便行去中環天星碼頭 一帶看煙花 ....
SO NICE ~ ~
**************************************************************************
[ 年初三 ]
我們相約了 婆婆 姨姨 舅父們 一起入沙田去探望一位老人家 - - 衡衡叫她 姑姑婆婆，很久以前她是我們的左鄰右里，住在同一屋簷下 .... 基本上是看著我們 由出世到長大至今呢。
這位 Mommy 口中的姑姑 真的是非一般老人家，非常可愛又特別 - - 去到她的家裡，看到她開著電視 收看 「明珠台」！？ 問她 難度懂得聽英文嗎 ？ 姑姑 話呢個鐘數 電視無嘢好睇，所以通常選擇 聽英文台 .... (利害 ！ 
) 又問她有否看 晚上的 電視劇 「珠光寶氣」？ 姑姑 話呢個劇唔啱佢睇，要睇嘅話 不如出 彌敦道 大把 金舖都 珠光寶氣 喇 ！(利害 ！ ) 如果要睇話，佢會選擇 睇「韓劇」多 D wor！ 姑姑 又能和我們閒談 各人的工作、生活、體育，社會時事 甚至金融海嘯 ！！ 你話佢有幾可愛呢 ！？
**************************************************************************
[ 年初四 ]
Mommy 放了一天假期，一早便 和衡衡 去睇早場 「崖上的波兒」..... 這是 衡衡 第 2 次來看這套動畫呢！ 依家全首主題曲 都識得背了 ... 
訂閱：
意見 (Atom)