溜冰小插曲 ...

  小插曲 - - 假日的溜冰場多了人流，不過今日衡衡練溜冰時並沒有遇到認識的同學仔。  這個不是問題，因為平時衡衡也會很主動地在場內結識朋友，在冰面上追追逐逐。  今天 看到一班小女孩來到溜冰場玩，大約小學 1、2年班。  Mommy 見到衡衡嘗試走近她們，笑著說 : 可唔可以一齊玩呀？   小女孩沒有回應衡衡，因她也拖着自己的朋友玩溜冰。     見衡衡再追上前，再問小女孩 : 可唔可以一齊玩呀？  小女孩隨即 : 「喂呀！ 唔好跟住我！」

衡衡似有些失落的樣子，可能是她從未在要求玩時 被別人拒絕過吧！   衡衡走回休息的地方， Mommy 問問她發生了什麼事呢，而且加以安慰 ....

她說不知道 為甚麼 那個小朋友 不和她一起玩？   我說 有些時候就算你好想，好鐘意，但別人唔想，唔鐘意 也不能成事的。  那個 小女孩有自己的朋友一起玩，所以可能不想和別人玩吧， 毋須為到這些事而感不高興的 ....

[ 續上 ..... ]   就算衡衡聽完 Mommy 解釋後也好像不太滿意的樣子，還雙眼含著小小眼淚 (狀甚委屈地...) 問 Mommy 點解那個小女孩有朋友陪玩，而自己(今日)就無！？ 仲話依家唔溜冰 要即走 wor。   Mommy 唯有再安慰，又要勉勵啦 ..... 「練溜冰大部份時間都係自己練習居多，當然和朋友追追跑跑又係好好玩；  不過，如果自己本身技術唔夠好，速度又未夠快，咁妳就有可能追唔到 邊個 邊個，加上妳又想叻過 邊個 邊個 ，咁就唔走得，要入番去練習喇...  妳自己想清楚吧！ ..... 不如 Mommy 我 call 吓 xx Mommy，睇吓佢地幾時黎練習 我們再帶妳黎玩喇！」

就這樣，衡衡又有精神再去練習了。