好好睇的 "UP" - 30/7/2009

這是動畫「沖天救兵」第一天上映， Mommy 便和衡衡一早來看早場了。  早一晚已經再次提醒 衡衡我們是要看 10:00am早場，著她早些睡覺，而且明早當 Mommy 叫她起床時一定不可以懶床，要即時起身的 .... 她也一一答應，不過她加多句問我 : 「如果，... 我話如果，比喻啫 ... 如果我真係遲咗起身睇唔到早場，咁係咪都可以睇下一場呢？  因為我知(每日)有幾場個 wor ..！？」  我做 Mommy 就梗係正面 D 話如果真係睇唔到早場，咁咪睇下一場 lor, no big deal, 不過若然做得到早起身，咁咪叻叻 又可以買平"飛"。   果然，這天早上當 Mommy 一叫衡衡 「夠鐘去睇 UP 喇 ！！」， 衡衡很快便起身梳洗換衫去了。

* * 看後有小小感想 : 

1)  其實最初套 " UP" 未上映淨睇海報時，對於我是絕不吸引的。  故事主角是位老人家 + 小孩，題材是很新鮮 但我又想不出究竟它會怎樣去吸引觀衆呢？   如果唔係要帶衡衡於暑假去睇多一套動畫，相信我有可能等遲 D 出 DVD 先再睇。   點知，原來套戲 出奇地好睇， 內容固然之好笑又開心 (衡衡笑到流眼水)，有幽默，有浪漫，有哀傷 (衡衡睇到想喊)，又有驚險 (衡衡睇到攬實 Mommy 隻手係到叫)，真係有點喜出望外！

這是一套很正面又很感人的動畫，色彩繽紛又映像鮮明，「彼思」的製作果然一點也沒有叫人失望，反而會問點解畫面可以咁真咁靚！？

很喜歡動畫一開始 那短短10分鐘的默戲，很傳神，加上背景音樂 (theme song 貫穿整套電影)， 整段默戲 充滿浪漫和優美，但又為主角感到 悲喜交集 和婉惜，.....  真係吸引到觀衆定晒雙眼 黎睇！  (  講述了 老人家 Carl 和他的老伴 艾莉從小的相識經過，他們有著共同的兒時冒險夢想，繼而拍拖到結婚，踏入人生最開心燦爛的時刻；不過人生不如意事、傷心事總會有，就算他們很希望生育孩子，可是事與願違，....  唯有忘記傷痛 再和伴侶從新向前走；之後再繼續經歷 年老、疾病，Karl 和 艾莉 也是風雨同路，姻愛地互相扶持，但是 艾莉先走一步，默戲尾段最後一格只看到在艾莉的安息禮拜之後，剩下 Carl 一人在孤單懷念。 )

看到某人影評 使我很有同感 : 「「劇中主角的心路歷程描寫得十分細膩，成年人看會特別有共鳴。很喜歡那種邊哭邊笑的感覺，故事寓意深遠，振奮人心，做人不應執著過去，就算活到那一個年紀，都可以活得正面快樂，在任何一刻都可以開始新的旅程!! 」」

2) 另外正片 片頭有套「彼思」的約 5、6分鐘短片 "Partly Cloudy"，又係非常好睇而且很有教育義意，所以唔好遲入場呀。

睇完戲 吃完午飯，衡衡話要同 IQ 博士 d 人物影相 - -

衡衡話 : 「 oops... 點解會有卡通公仔係 Poo Poo ？  Oh NO !!」

... 有 D 似 「舒淇」個 look wor....