[預備篇 - PART 1] 2009 北海道。東京8天之旅

籌備了幾個月的北海道、東京8天之旅 終於拍板，於明年 1月中出發，還有 1個月便能夠親親白色的北海道了！

這是兩年一次的家庭旅行，我於今年 4月從日本九卅旅遊回來後 便開始構思了 - - 究竟去什麼地方渡過我們的家庭旅行呢？  冷，熱？ 睇景，喪玩？ 跟團，自由行？    最初鎖定 北海道 5天， 2月去札幌睇雪祭。   基本成員就當然係我 一家三口 加婆婆，國國 (大舅父) 去邊都無乜所謂，佢話最主要係倍吓 Mommy (即係 婆婆) ； 虎虎(二舅父) 由於今年初 Honeymoon 去過，所以無預佢哋 ； 至於 珊姨姨，由於明年 3月又係佢大日子，驚請假太密唔好 .... 所以最初都話唔 join，.... 咁我同老公就開始 籌備和計畫行程了 - - 不過都係齋睇。     到了 8月中 由於要上某旅遊代理度 攞酒店 coupon，講講吓 講到2月去札幌睇雪祭，agent 叫我哋快快訂好機位再安排行程，因為每年去札幌睇雪祭都超多人，遲 D 真係有錢都未必買到機位去； 去 ski 又係好多人， 8、9月已經開始有人問價了，機位、酒店緊張 etc.. ....   真係愈聽愈驚，所以的起心肝 於8月尾 努力研究資料、格價，.... 加上2月去札幌嘅價錢出了，「超貴」！  用超出黎 D錢我走多轉東京都仲得。    最終決定退而求其次，唔同人迫 玩 1月淡季，北海道、東京 玩足8天 (零晨機去，夜機返)，自由行。    9月中去 ANA 的代理訂 package，攪掂曬 比咗錢，點知珊姨姨問仲可唔可以加入插隊 - - 當然歡迎喇 ！ (相信珊姨姨 和 聰哥哥 經過反覆思量後也決定加入，是因為一家人去旅行的機會難逢，而珊姨姨又想陪多 D Mommy 吧。)  

最後成團 6 大 1小 ，READY GO ~ ~ ~    [待 續 ] ....