剛剛星期四學琴補課，跟住星期六又要上課了。 不過對於衡衡來說，無論在家中練琴或是出外上堂學琴等 .... 她一一永無 say NO，而且還甚 enjoy 添。 好似今次星期四學琴補課，由於星期五下午帶衡衡再到 迪士尼樂園玩飄雪，所以無時間在家覆琴 ... 咁 Mommy 於星期六早上 就提衡衡 一會兒向老師交代清楚 無時間覆琴的原因 和提議再下一堂 一次過彈番兩首歌仔；點知佢話 : 「得喇，我慢慢彈到，唔係好難。」 Okay，最緊要係大小姐你話唔難！
我睇吓本新琴書，剛剛教完的曲目 係就係唔難，著重練 scale 多D，不過自己無覆過琴 單靠上堂彈過 點都不行吧。 點知下課後 老師說衡衡自己彈到上一堂所學的，又會用口細細聲數拍子，雖然有些少拍子不準，不過回家再練練便可以了。 照這樣看，衡衡妳又得喎， 繼續努力喇 ！ Daddy Mommy 會支持妳喇 ！
下午 去上游泳班，衡衡又係愈上愈喜歡，教練真係有一手呢，佩服 ！ 今天看到衡衡甚至可以忘我地攬著浮條就咁踢水 (狗仔式) 游去水面中間用手執玩具，她已克服了水深的恐懼和建立了對教練的信心。 雖然仍不敢把全個人潛入水中，不過看她也在嘗試中 .... 希望她也能好快做得到喇。
# # 唉 ~ ~ 衡衡自從月頭病過發過燒之後，成個身就差唔多瘦咗個碼，塊面珠尖哂，大肚腩都無咗 ... 真悽慘 ~ ~ 都唔知幾時再肥番呢...！？ # # 
< - - Mommy
沒有留言:
張貼留言