夜訪10月迪士尼 - 24/10/2008

久違了的景象，人頭湧湧 ....  知道這裡是那兒嗎？  

今早 Daddy 心血來潮 ，想帶衡衡夜遊迪士尼；二話不說，坐言起行，... 起程！

她又在扮鬼臉了 .... 應景！

其實今晚 Daddy Mommy 帶衡衡 夜遊迪士尼 絕對不是要去慶祝甚麼甚麼 (我們是不會去慶祝萬聖節的 ! )，純粹是為帶 衡衡來樂園玩而來，... 當然亦是有全年通行証的好處了 ，今年我們一家來樂園玩了很多次 ... 值回票價呢。

衡衡 的樣子有些驚恐噃 ！？   我們在露天地方吃東西，一聽到廣播和強勁音樂 話夜光花車巡遊 + 阿 Jack 將會出現時，跳上跳落無時定的衡衡 也即時收歛了些，還說不想看到主角 阿 Jack ，更加不准我們行近巡遊路線旁的人群呢！

不過 ...  當 阿 Jack 和它的南瓜車遠遠走過我們前面時，衡衡 即時 嚷著叫 Mommy 快快 抱她走去路旁人群 看接著 南瓜車後 的其他花車巡遊呢！    佢話有 D怕 好似 skeleton 嘅 阿 Jack 呀！  (不過 呢個會活動嘅 阿 Jack 坐係南瓜上個造型又幾生動嘅 )

衡衡 話 : 「好嘢，阿 Jack 走咗，一天光晒 ！」

難為了 Mommy 把差不多 40磅 的衡衡高舉起來 讓她看巡遊；   事後 Mommy 抱到手都痺哂，差 D 手袋都攞唔起 ....

衡衡 睇到眼定定 .....

黎到呢度 看到成班 Disney 嘅公仔朋友 ，衡衡 興奮到大叫 ！

 睇完 巡遊後，就再去 小小世界  ...

晚上的樂園別有一番意景 ...

在 咖啡杯 內 轉轉轉 ，很投入呢！點解衡衡玩得咁興奮....

咁落力....

咁開心....

... 因為她可以轉到 Daddy Mommy 頭都暈哂....   (Mommy 仲自拍咗張好驚嚇嘅頭暈相 ... 不過 ugly 到要毀屍滅跡 ！)

衡衡 幫 Daddy Mommy 影嘅相 - -

.... 再玩旋轉木馬 ，接著 仲玩裡 小飛象添。

今晚衡衡 玩得很開心呀，臨走前竟然話想睇多一次 夜光花車巡遊，仲話唔再怕 阿 Jack 咁話 .... Okay，就睇多一次喇！  再次証明 就算衡衡之前幾驚 幾唔願意，只要我們多些鼓勵和給她機會作嘗試，她真的任何事也無有怕呢 ！