火警演習驚雲 - 23/10/2008

話說今天幼稚園來了個特擊的 校園火警演習，家長們也沒有收到任何的預先通告 ....

放學後，根據婆婆所說 當衡衡從校車下來的那刻， 今天小臉上沒有以往常掛著的笑容，也沒有似往常地 在下車時 站在車門口和所有校車內的小朋友揮手說再見 ....   當 婆婆接過衡衡後 ，衡衡便第一時間捉著 婆婆講心事 - - (對話內容大概如下 ... 不過大家看後千萬不要笑 衡衡細膽呀，因為，佢其實真係幾細膽 。 )

*************************************************************************

衡 : 「 婆婆呀，今日學校有火警呀！ 嚇死我喇 ！」

婆 :  「 吓！ 唔係真呀嘛！？ 咁你點呀？    」

衡 : 「 真呀，"之前" 梗係真喇！ 我好驚呀！ 我哋所有同學一齊排隊上樓梯 (*幼稚園課室在 basement，要走上多段長樓梯才到地面花園平台的) ，.... 行行吓 到最尾 D 樓梯級 我隻腳腳仲軟哂添 (驚到腳軟) ... ，要用手 "爬樓梯" 呀；我真係驚到死  ...   」

婆 :  「 (看到衡衡 講到神色凝重，婆婆 也差點忍不住笑呢)  哎吔 .. 咁陰公驚到要 "爬樓梯" ， 咁之後點呀？」

衡 : 「 原來係假 ！ "之後" 老師講係假嘅火警 (演習) ，真係激死人呀！」

婆 :  「咁你下次要大膽 D，跟住老師走快 D 呀！」(笑 ....)

衡 : 「 我已經係走第四個 喇 ！！ 」(  沾沾自喜 ....)

*************************************************************************

其實我們知道 衡衡也算是細膽的， 不過是出於她喜歡先觀察 才行動 (包無死 ！)，有把握後 她做任何事 就會很積極和做得好好  (這就是衡衡 的性格嘛！)。   今次的走火警經驗很保貴，小小年紀的她有此體驗之餘 又能增加常識 ； 而我們就一直本著給她機會多見識，多學習，鼓勵她多作不同嘗試 以加強信心。