(Day13) Mickey's Pirates Night / Fireworks (7月17日 星期日)
今晚是Mickey's Pirates Night, 連晚餐也是同樣主題.
像地圖的Menu - -
Server的好介紹, 前菜, 是類似炸蟹盒的東西, 好好味. 其他的主菜種類也是差不多, 沒有大驚喜....
趕快吃完飯, 又是在大堂和Characters影相的時段.... 其實每一天也定了不同的時段, 有不同的公仔, 公主等 standby 等你排隊影, 不過時間不算長, 有時行行吓都會碰到一兩個....都幾開心.
扮成了海盜的可愛小女孩...
7:45 - 8:05pm個 Mickey's Pirates Party 我哋無參加, 但在10:30pm 的 Fireworks 就一定要感受吓.....
全場都非常熱鬧, 氣氛高漲, ...一到 10:30pm 便發放煙火.....
Hooray !!!!!!!!!!!!!
好好彩, 煙火一放完即時下大雨, 我哋即時揾捷徑走, 快快行落8/F回房間去....
當晚的夜空一直有閃電, 是難得一見的"劃破夜空式"的強勁閃電, 是會讓整個水平綫一瞬間變光的那一種.... 我們把房燈全關掉, 四個人就排排坐在窗邊衡衡的睡床上, 細心欣賞這種大自然的境象.... 
終於睇到呢一篇，想問住呢種房是否很貴？
回覆刪除[版主回覆09/26/2011 23:42:00]暑假去真係好鬼貴, 我上Disney Cruise Line度買, 第1和第2個成人要US$1,4xx per one, 跟著第3個人就US$8xx, 小孩US$7xx. 仲未計Tax & Ground transporation (from Disney Hotel to Port).
我相信妳會喜歡Oceanview stateroom with Verandah (有私人露台) 多d, 我就唔捨得住了. 依家睇出年1, 2月個價平咗好多, e.g. Cat.4 (有私人露台), 第1和第2個成人只要US$1,185per one, 跟著小孩US$600. 你話差幾遠呢!
Mickey也是我童年時的至愛^^
回覆刪除嘩, 好貴呀, 唔知幾時先捨得去, 但暑假去應該係最好....仲有, 好怕坐咁耐飛機, BTW, 你囡囡一定超級開心
回覆刪除[版主回覆09/28/2011 09:21:00]係呀, 囡囡超開心, 好想留美國奈d, 又想出年再來玩....我對她說好相信Daddy Mommy 將來不会再來usa嘅disney world 玩, 等留番佢自己大個攢到錢再來. 佢答應我們將來會請我倆老一同來玩, 不過係一邊照顧佢d仔女, 一邊玩喎.
對, 暑假去應該係最好(尤其是小朋友要返學), 但暑假的$$真係貴好多, 今次最肉痛都係機票和Disney Cruise個5days trip, 你去慣旅行, 相信好明白我今次係幾重傷.
你個Blog版面用了yahoo全新平台, 好用嗎? 好似唔係咁user friendly... 我唔敢換呀. 你兩位公子今年讀幾年班了?
如果去都想去Disney Cruise, 不過一家四口實在好貴, 發咗達先諗....或是減少去日本變成個年去一次Orlando.... 不過又好唔捨得日本, 最後都係第日先算..
回覆刪除新的版面初頭唔慣, 不過upload 相就快好多, 但佢有d功能都未ready好, 例如関注咗的blog 友如佢地有新blog 應該通知我, 但係只有通知我幾個, 所以唔知blog 友幾時有update
大仔11月就7歲, 讀二年級, 細仔12月尾4歲讀K2
放完煙花至落雨,真好彩!
回覆刪除