衡上小一之 班中趣事

由開學至今, 每一天在家也聽到衡衡 述說班中趣事 ....

(1) 第二天正式上課後, 已經在衡衡的書包內找到別人的書本.   她說 : " 哦, 這本是 XXX 的書, 她坐係我右邊 (兩張枱泊埋一齊), 不過她好混亂ga , 成日將自己D 嘢推晒過去我張枱.  我都唔知攞咗佢本書, 因為一落堂 我就收晒我枱面D書落書包 喇.  佢依家揾唔到本書 一定好擔心喇. "     我心想 佢 Mommy 會擔心D囉 !

(2) 第三天放學後, 衡衡說班上多了新同學, 現在有 42人了.  而且, 班主任把衡衡換了座位, 因為原本坐衡衡右邊嗰位 女同學經常在堂上逗 衡衡說話, disturb 到衡衡上堂.   老師多次 "提點", 而 衡衡都好醒目, 完全知道老師的喜惡,  無理會女同學之餘仲用手指擺係咀仔前 示意 shut up!    哈哈, 幸好衡衡執到支 "好籌", 被班主任 "掉"到最前一排的位置, 對正白板無阻礙.  家長說第一排的位置之 "千金難買" wor, 因為看得清楚白板上寫嘅字, 又近老師, 上課會專心好多.      衡衡 對掉位的事都抱歡迎的態度,   她說 : " 唉! Mommy, 唔知點解會有同學講野講唔停, 佢好似停止唔到咁呀! 上緊堂嘛, 聽唔到老師講書 又會被老師罵, 我就一定唔會囉 ! "   " 我可以換位離開佢都好, 佢仍然係 one of my best friends, ... 不過, 新換過去坐佢左邊嘅女同學就惨喇 ...."     Mommy 都覺得掉位對 衡衡好D.

(3) 衡衡 在換了座位後, 坐隔離的是位男同學.   我問她有否認識到那位男同學?  她說不喜歡和男仔玩 所以不去認識.  我話 以前幼稚園同班都有男同學喇, .... 但她說只會和型仔做朋支和玩.   咁我再問 依家隔離的男同學唔型咩?  她說 : " 我都話咗只和型仔做朋支和玩, 咁妳仲問? "

(4) 我要求 衡衡要主動去認識坐隔離的男同學, 作為她的 first task -- 今晚回家要講到個男同學名字比我聽.   誰知, 她最後也是不能講到那名字比我聽, 我問原因....  她說 : " 我有問過佢 ga, 我仲自我介紹呀, 不過佢話 要返屋企問過 Mommy 先至知道可唔可以講比我知佢個名 wor. "        天呀 ~ ~ 咁簡單嘅應對都要問 Mommy, 佢點考入黎呢間私校既呢 !?

(5) 暫時見到 衡衡 對各科也應付得來, 課堂上的堂課也自己做得妥妥當當, 我從派回來的各科工作紙便能看得到其成績, 知道她明白學了什麼又懂得運用.  唯獨是字體不太端正, 或是粗心下抄錯字 以至不能拿滿分.   她問 點解中文全部答對 都無滿分?  我唯有鼓勵她寫好 D 字, 下次再努力.

(6) 衡衡 的英文科其中一份功課 獲貼堂.  她非常開心.   而且她說 多次被幾位 老師在班上點名讚 專心上堂, 要同學們學習她.   她對我說 被老師讚賞時很高興, 感覺好似飛上天空咁.     我又鼓勵她 繼續專心上堂, 努力學習.

(7)  在音樂堂上 全班同學要試音, 衡衡被老師甄選 參加今屆校際音樂節 的個人獨唱 項目.  Daddy 說既然有機會不如比衡衡試一試, ... 不過 Mommy 就心大心細, 因為 衡衡已經要報校際音樂節的 piano grade 1 比賽, 如果又 加上個人獨唱, 功課多時 驚無時間練.....

話說試音時 衡衡聽到 和看到很多有趣事, 有些同學唱不出聲音, 有小部份同學唱得很難聽, 當然能達到 老師要求的也很多.  真的每個人的恩賜也有不同呢 !