(第一天) 1月10日 星期六
香港~東京羽田機場~札幌~小樽
籌備多月的北海道之旅終於要起行了！ 我們一行 7人 (6大 1小) 浩浩蕩蕩的於星期五晚上由婆婆家裡拖旅行箱出發。 沿途有講有笑，我們甚至覺得 6個大旅行箱同時被拖行時所發出的 "隆隆聲" 像極了 萬馬奔騰的聲音呢！
我們要乘搭的是 ANA 的零晨機，1:30am 起飛 6:30am 到達東京羽田機場，再於 9:00am 轉機到北海道，約於 10:40am 到達新千歲機場，為的是爭取時間玩多 D ！ 
* * 在機場內外的花絮 * *
準備出境喇 ... 衡衡 和 珊姨姨 - -
你估衡衡同邊個講電話呢 ？
.... 原來係契媽呀！ 衡衡話 : 「契媽呀，我依家去日本呀，不過唔洗掛住我喎！」
我們的 Pose 王 - - 
由於係零晨機，衡衡也敵不過睡魔急 call 呢 .... 
到達了羽田機場，下機後我們由國際機場轉 shuttle bus 到國內線 - - 大家正在等待寄存行李中
衡衡在等候轉機時，也不忘在 kids zone 玩個痛快呢 ！
*************************************************************************
轉下眼 就到咗北海道，從飛機望出去 固之然是一片白茫茫，此時並沒有下雪不過天色就比較灰暗些 .... 咁點都好過吹暴風雪嘅 (我於出發前一天 在日本的天氣網站看到北海道又會再次有暴風雪，仲要係正我哋到達札幌 的晚上呢 ... 惨！)
* * 在 JR 的機場列車上，去札幌途中 - -
出了 JR 札幌駅 後 我們想快快地 走到我們所住的酒店放下行李；初看市內天氣很好，沒有下雪，空氣又清新 ，所以我們偷懶沒有即時載上冷帽和穿手襪，就係咁就陶手拖行李走在街上.....，誰知愈行愈凍，再走多半個街口 
.... 對手凍到痺哂不特止，連對耳仔都凍到麻痺咗又紅哂添！ 咁大家就即時拿拿聲揾冷帽戴 手襪著喇 ~ ~ 這是我第一次 初嘗北海道雪國的冷呢 ！
**************************************************************************
攪攪吓 我們比預期的時間遲咗一粒鐘 才起程去小樽。
由札幌 去 小樽 乘搭 JR 急行要 35分鐘 .... 點知，又上錯架 JR 普通列車，要經多咗 D 站頭 咁時間又用奈咗 D D 囉 .... 唉 ~ 無計 ... 唯有在車內慢慢 欣賞吓窗外景色喇。 天空開始下雪了，我哋非常之興奮呢，衡衡 同 姨姨 仲每個站開車門時 都快快走到門邊伸手出車外 用雙手找飄下來的雪花呢。
* * 去小樽的路上，沿途可看到一片長長的海岸，感覺冷冷的，但景色很美。
** 列車到達了小樽總站，雪下得很大了，車站景色加上白雪紛飛 ，非常之有氣氛。 這裡是我們全家人第一個狂影相的景點，(真係得我地 7個人，無其他人.喇 ) ... 不過要 留意嘅係，在這種下雪情况下 在戶外企多一分鐘 保証你全身是「積雪」，最初覺得好得意，不過久而久之 當每次由全身滿是雪 來進入充滿暖氣的室內時，在門口急忙著把身上的雪拍走 為的是恐防雪溶了而令衣服外層濕透 .... 都有 D 煩！
** 衡衡 見到咁多雪，開心到笑唔停呀！
衡衡 差 D 想訓係雪上面呀 ....
舊手宮線 遺跡 - - 不過條鐵路 比 D 雪 cover 咗，影唔到添！
到了小樽運河 - - 天開始黑了，只是下午 4 點左右呢！ 我們沿河邊一路行一路玩，又整雪球掟人，又用雪球掟落河 去比誰掟得遠 .... 大家都玩得非常忘型呀！
珊姨姨，聰哥哥 和 衡衡 - -
好大雪呀，現場所見 簡直視野摸糊，又大風 又大雪 ，D 雪打落個身度仲有聲添！ 好刺激呀！(不過我們相信呢 D 似落霜多過似雪攞 ...)
雖然 係 零度，不過大家一致認為真係好凍呀 ~ ~ 
比起之後某天在市區 -4度 仲凍呀 ！
Mommy, 婆婆，珊姨姨 和 國國 (大舅父) - -
「出拔小路」外的景色 - -
小樽運河 前 - -
某商店門外的 大貓公仔擺設 - - 凍到無眼睇 ！
音樂盒 堂內 - -
出名的雪糕店內 - - 有賣一杯有 6 層顏色的大軟雪糕呢
... 不過單單是一杯極濃牛奶味的雪糕 衡衡也非常滿足了 。
由於風雪太大，實在沒有心情再逛了，買咗 D 指定手信後 我們也打道回札幌 .....
走了一大段路到另一個車站 南小樽駅乘車 - - 在路軋旁留影
* * 「王家衛」式的照片 - -「無奈地走於全無路人的小樽街頭上 」
* * 愛的宣言 ！？ 係 聰哥哥畫咗個 "心心" 喺人哋車尾個度呀。
**************************************************************************
回到札幌，又累又餓 - - 今晚我們在「和幸」開餐 ~ ~ 好好味！
返到酒店，I miss the bed so much ~ ~ 早 D 訓，明天還要一早起身去 Rusutsu 滑雪場玩一天呢！
每日短片 : 在小樽運河旁玩雪，雖然雪很大，但衡衡仍能樂在其中．
http://hk.youtube.com/watch?v=2KhKQqJfRk0&fmt=18
( 我們入住了 Keio Plaza Hotel Sapporo )
沒有留言:
張貼留言