(第三天) 1月12日 星期一
札幌市內觀光~登別 (地獄谷)~登別 Mahoroba 溫泉酒店
[ 續 上 .... ]
... 我們沿溫泉街走回今晚住的溫泉酒店 - Mahoroba，由於大雪芬飛 天色又昏暗，所以雖然時間只是下午 4:30pm 左右，不過感覺也像接近晚上呢。
一回到房間 大家便快快換上 日式浴衣去浸溫泉了。 最初 婆婆也揾籍口不去浸溫泉呢，畢竟這是她人生第一次去浸日式溫泉浴，而且仲係不穿衣服那一種 ...... 不過經 Mommy 和 珊姨姨 再費少少唇舌說服； 於是一行人便浩浩蕩蕩的走向大浴場了。
衡衡堅持帶埋 A-Bu 去浸浴，咁當然最後它只可以放在衣物籃內喇 ....
男浴場在 上一層，而女浴場 就在下一層真正有露天風呂的地方 (可以一邊浸 一邊享受著下雪)。 兩層的浴場使用是有時間交替的 .... 好好彩 女子組可以在晚上 享受到下一層的露天風呂，因為 男子組話點都要試下 落著雪浸溫泉，所以在第二天晨早 6點幾就去浸露天風呂 ... 可惜係朝早無雪落，只是見到露天風呂 四周 圍滿雪！！ 咁國國講佢唯有拿 風呂周圍的積雪 堆在頭頂上 玩吓，照去感受吓 一邊浸 一邊嘆雪 喇。
其實今次真係幾開心 一家人再有機會出外旅行，在旅程中也能遇到驚奇和新鮮的體驗 ...... 想不到 Mommy和衡衡 能夠和婆婆 珊姨姨 一起浸溫泉，有四人鼓氣勇氣一同由室內浴場衝出去大風大雪的室外 露天風呂 的共同體驗 .... (雖然衝了一半路 衡衡便大叫救命 後自己掉頭走返入室內 話好凍又好驚喎 ... )
**************************************************************************
大家浸完溫泉後 便直接去享受自助晚餐的美食了。
自助晚餐的食物種類非常多，日、西、中 美食都有。 魚生 壽司 燒和牛 等等 不用多說，呢度仲有三種日本蟹任食呢 ...(個人認為 蟹肉是鮮甜又好味，不過 D 蟹 好似比想像中的體型細咗 D 囉 ...)。 不過可惜的是今天竟然沒有 燒大帶子 供應 ！？ 唉 ~ ~ 唯有吃多件 燒和牛 補數，仲有無限量甜品和雪糕供應 .... 呢次唔肥都好難 ！
籍得一題 的是這裡有兒童的自助餐角，小朋友可以自己嘗試排隊攞食物呢 - -
**************************************************************************
當吃飽後 走回房間打開房門時，原來管房的 已經為我們舖好被子了， 衡衡高興得在被子上 亂蹦亂跳呢 ！
見 男子組人馬換番哂 D 衫去邊？ 原來打算到酒店附近的 7-11 便利店買零食 和 清酒。 出去之前 大家再到地下 遊戲場地 打番轉遊戲機 .... 嘻嘻 ....
Daddy 都比咗 500円 衡衡 玩遊戲 ....
大家玩番 D 過咗氣嘅遊戲 原來都好開心 ....
**************************************************************************
我們移師到 珊姨姨 的房間繼續 食和飲 ... 衡衡 唔訓覺 仲要四圍走 幫我地影相 ... 最後要 Daddy 挾住到隔離間房 才能乖乖地入睡呢。
出面下大雪，我們索性把飲品放出房外露台 作急凍之用，咁相信點都快過擺入雪櫃呢 ！
**************************************************************************
每日短片: 衡衡穿日式浴衣跳日本舞，都唔知在那裡學回來的！ 但她的真正目的，是不想食 Mommy手中的食物罷了 ....。
http://hk.youtube.com/watch?v=I24VT2p_yjc&fmt=18
