超級星期六 - 15/11/2008

星期六來了 .... 

對於 Daddy Mommy 來說，這是個超級星期六，也可能是個 "焦急" 星期六！   由於在遲一些將會對衡衡 於星期六上學習班的安排有所改動，又適逢有 游泳班 開班的關係，.... 雖然見時間緊湊又係星期六，但見機不可失 就為衡衡報名參加了； 就此決定呢 個半月 (Daddy & Mommy) 辛苦.D 喇 (其實對於有機會去學習 喺唔應該用 "辛苦" 來形容的，要珍惜呀)，下一季開始就會安排得好好多喇 。

 

超級星期六 .... 由這扇門開始 - - 早上的音樂班

衡衡 放下書包 向老師報到後，見她風騷地走回座位，又和身邊的同學仔打招呼添 ....

唱完歌後 再到附近學彈琴 (在門窗外偷拍) - -

Miss Iris 話 衡衡都算有心機，每隻教過的歌仔都彈到，雖然有時拍子唔準，可接受 但一定要回家練多 D ...

衡衡 的影子 - -

最近衡衡 經常扮 "嬲"的樣子 ....

她還常常 對 Mommy 說 :「你睇吓我個樣係咪好 angry 呢！？ 」

但  Mommy 話 : 「如果妳 繼續 常常扮 angry 扮唔停，我就真係 好 angry ！！」

你睇佢食住飯 都仲要扮 .....

來到泳會了 .... 看看衡衡 的一身造型！  原來她真的一點也沒有覺得驚，反而很期待上堂呢！

所有不同班別的學生一齊走進泳池內 由教練帶做熱身 ....  衡衡並沒有不知所措，反而很自然地跟著大家行事 .... Daddy Mommy 覺得 衡衡很叻叻 呀。

 (其實場內不可拍照的)    今次衡衡 參加的幼兒游泳班只得 2名學員 (一班最多 6個)，所以 Daddy Mommy 慶幸覺得衡衡好似上緊私人游泳班呢！(人少可能因為上課時間和天氣開始轉冷的關係)     上課一小時，在泳池旁的 我們也看得到 衡衡非常的投入和 學 (玩) 得很開心，女教練非常之有經驗地令到兩位小朋友 在第一堂 已經不怕水，還叫他們嘗試把頭仔浸入水中、還懂得扶著浮板來用雙腳踢水呢 ....  這一小時 在 Daddy Mommy 的眼中簡直就是在看 魔法呀！    當下課時 衡衡還第一時間走向 Mommy 說 她要再繼續學游水呢，唔要落堂 咁話！！

隨後洗身，換衫和稍作休息，便要返Phonics了，衡衡當時有小小倦息，但當見到自己的同學仔時就完全醒矖，就這樣渡過兩個小時的學習。在回家途中，衡衡已經呼呼大睡，一直睡到星期日早上......