其實 Daddy Mommy 都幾怕走在人多車多的旺角，特別是某一帶.... 熱鬧到真的令人有些頭昏腦脹的感覺 ，若然不是有必要 .... 相信一定甚小踏足。 最近就是因為 "有必要"，所以避無可避 每個週末都要經過這個勝地... 在落腳方面，幸好都比我哋 找到一處「綠洲」，而衡衡也會感興趣的地方 - - Charlie Brown Cafe - - 地方寬闊，人少，唔嘈，又有 Snoopy 卡通睇 .... 最適合停不下來的衡衡 。
晚上走在有 30度高溫 的旺角行人專區 ，真的汗如雨下 .....
走上大公司睇秋季新衫，衡衡也幫 Daddy 比 D 意見呢！
當然少不了 幫大小姐買新衫啦 .... 都買咗兩件呀，不過都好 fashion，有條針織裙仲係今季大熱紫色 ！
結果滿載而歸 ，荷包都輕了！
很快就開學了，9月1日只是回校取編班和認識新班房 (新老師？)，.... 新的學生相拍了，樣子好正經呢，... 新的皮鞋也準備好了，好期待的新學年呀 
！
打得成風，無咗個短 trip 之外，便造就了 多了一天星期六的假期 .... 之前為了去旅行所以預先為衡衡向學校請了假； 但現在去不成了，星期六的學習班也全部改了期，所以呢 .... 便來了個 "Hea" 之星期六了 (其實冇堂上又好似變得無所事事 .... )。
Lunch 衡衡來了一大碗 肉醬意粉，Yum Yum ... 
衡衡話要和 Daddy 玩遊戲 .... 你蠱吓玩乜呢 ？
... " 要扮訓覺 "。
咁都得！？
之後到商場 逛一逛，順手睇吓 D 高清電視開始減價未 .... 失望而回！！
************************************************************************
星期日 返到教會，今天早早回來了，其他小朋友也未就座呢 .... 穎妍也走了進教室，.... 喂，好似妳還未夠年齡上兒童崇拜喎 ！
衡衡妳很久沒有和爺爺合照了，難得爺爺 特登來教會見妳，那就快快影張相吧 ！
原本訂晒酒店和車票叠埋心水去渡假的 .... 就因為隻「鸚鵡」而泡湯了 .... 
一大清早6:30am Mommy 起床看新聞，還是 3號仔；當洗完頭再走出來看個新聞，字幕已打出將於早上 8時前改掛 8號 風球 ... 唉 ~ ~ 立即打個電話比契媽叫佢哋訓多陣都得喇，而 Mommy 自己就已經洗濕咗個頭，點都要吹番乾先有得訓 嘅係咪 ！？
很久也沒有掛上個 9號 風球了，" 不排除改發十號颱風訊號 " .... 看來這隻「鸚鵡」也不可輕看呢 ！
一大清早窗外天空還很清的， 一下子便開始轉壞了 ..... 船隻渡輪等也乖乖地回來避一避風頭呢。
我們家很當風，此時窗外面已經橫風橫雨了 ... 衡衡還要嚷著 想開小小窗門去感受下打風喎 ....
結果當然就算開小小窗門都搞到週身濕哂喇....
昨晚半夜 pack 嘅一家三口行李，想不到無用武之地 .... 就等佢「自己」企喺到冷靜一吓先喇 ....
出面打大風，屋企 D 貓都好似驚驚地，蹲在牆角和枱底避風。
***********************************************************************
早餐 午餐 都係光顧同一間快餐店；晚上 Crab 叔叔來電 要車我哋出外吃飯，去一去 D 霉氣 .... 他一家本來也是今天一同去渡假的一棚人，好吧，去唔到「三正半山 」就去 「飯廳」吃餐勁嘅 ！
衡衡 和 穎妍 食到成口都係 ... 呢一刻兩個都算幾和諧喇。
阿致，你問點解 嗰兩次 "右"冇妳份 ... 咁耐，唔記得喇；不過來來去去原因都差唔多喺嗰個 - - 就係妳去咗 甘姨姨 渡玩和過夜囉，就好似今晚我哋出去食飯一樣，又無妳份。
衡衡妳記得 8月初 第一次到沙灘做 小model 嗎？ 今次再有機會見到那一次為妳拍照的攝影師叔叔，閒談之間說到上次報紙刊登出來的效果，原來那張最當眼位置的那一張大相片並不是 攝影師叔叔的心水照片呢 (相信是由編輯揀的相片吧) ....
以下這一張才是他心目中的靚相呀！ Daddy Mommy 也有同感，因為這張相所表達的更加有動感吧 ！
今天衡衡被大姐姐邀請再次為 「X報」做小 Model，不過這次不用到戶外日曬，而是在室內冷氣影樓拍硬照呢。 還有呀，非常幸運地今次是拍 名牌秋冬兒童時裝，真係就算買唔起都叫做穿過吓 D 貴價衫呀嘛。 
原來今次拍照的攝影師叔叔 剛巧又是上一次 拍沙灘照的那一位呢 ；他見到衡衡後便問她 : 「記唔記得上次係邊度見過我呀？」 衡衡想了數秒後便笑着說 : 「海灘 ！」
即被攝影師叔叔 讚叻女了！
在小 Model 準備拍照前，他們正為一批名牌秋冬時裝 影硬照 - - 我們兩對 Daddy Mommy 均讚不絕口呀，件件都有型有款，其中一件名牌小皮褸 據說要 二仟幾蚊呀，我們即時笑說 如果係咁著衫著大嘅話，用 400萬 點養得起一個小朋友呢 。
小 Model 們都有專業化妝師 整理妝容和髮型，絕不馬虎呀！ 衡衡雖然都算上鏡，不過添 D 色彩就更加上鏡了！ 看到她非常有耐性地被化妝師姐姐在面上 畫 畫 畫 ...
樣子也即時 Sharp 咗和 醒目咗呀 - - 嘩！點解我個女 好似成個 大個女咁嘅！？真係唔似未夠 4歲 喎 ！
呢個靚仔 Sky 就係衡衡嘅 Partner 仔喇 ，佢細衡衡兩個月呀 - - 好，拍攝開始了 ！
看一看以下部份的拍照花絮吧 ，由於我們不可以影響攝影師叔叔，所以不可以開閃光燈拍照，相片難免微粒粗了些 ....
每次換完衫都要執一執個頭呀，好認真 。 衡衡個樣好招積，好似以為自己係 「姐仔」咁！？
呢件 性感小裙 加個馬尾裝，好絕。
仲加埋 DxxY 閃石 紫色 Cap 帽，型！
雖然影到最後個套衫 衡衡開始眼訓，不太合作，但大姐姐用糖利誘下 衡衡也能完成任務了 ....
好了，完成工作， YEAH ~ ~ 返屋企大覺訓先 ！
