[ 泳池 和 沙灘篇 ]
下午的活動就當然是玩水喇。
今次渡假 Mommy 心儀這間酒店全因為這裡的賣點是有無敵海景，有靚的內外泳池同時也兼有私家海灘； 衡衡怕水得要命，最近已經有很大的進步了 - - 沖涼時可以用花灑自己淋浴，不過不可以淋塊面。 所以呢 ，Mommy 希望籍此好機會叫 衡衡在酒店泳池玩水時 環境可以令到她忘記「怕水」這回事 ....
而實際情況是 - - 哈哈 ~ ~ 有相為証，衡衡從我們酒店房的露台望下去泳池時 已經嘈住話要快 D 去玩水喎 ，咁 Mommy 就問衡衡想去泳池玩先 定係去沙灘玩先呢？
答案 是 - - 去泳池玩完再到沙灘玩囉！
你看她玩水 玩得很自然呢， 最初還有少許驚驚，不過 ，一陣間就已經全情投入地玩了。
連滑水梯都嚷著要玩，條滑梯都幾激，衝落水個吓衡衡竟然唔知驚 (可能因為有水泡喇 )，仲要玩完之後又要再玩呀！
契爺契媽，有相為証，真係唔到你哋唔信呢！
這是全程唯一的一張 「全家福」相片。 仲要係自拍添 ....
你睇佢玩水 玩得幾咁開心 ~ ~ 
好了，也將近日落了，連忙把陣地改到 只由泳池走十數步便到達的海灘繼續玩 ！
酒店海灘的使用者不多，不過當你遠望隔鄰 大梅沙的公衆海灘時，那人山人海的情景與此時我們站着的地方成了很大很大的對比呢 ....
這個海灘的沙很幼細，綿綿的，叫人喜出望外呀！
衡衡 正在讀 畫在沙灘上她的英文名字呢 ....
已經玩得很累了，是時候回房間沖涼休息了 .... 衡衡玩得不願離開呢！ 明天再續 ...
HI你好, 見你女女玩得好開心, 好投入, 呢間酒店真係好靚, 因為我預備帶bb去呢度玩, 請問你私人沙灘係咪只准酒店房客進入??另外, 酒店內有咩設施?因為帶老人家去想問下有無麻雀房? thx!!
回覆刪除Hi, 對，室內室外泳池和私人沙灘只供酒店房客使用。 講到設施，由於它真的是休閒渡假酒店，主打靚泳池和沙灘，其他設施都是 Spa，健身、桑拿 ...等，有個兒童大 Playroom，不過沒有什麼玩具； 好像看不到有麻雀房或桌球之類。 或許你 send 個 e-mail 甚至大可打電話問問酒店喇。
回覆刪除