這個星期六掛上了 3號風球呢，早上的音樂課仍要上，而繪畫班就因老師有事而延期了 .... 忙了一個早上至下午回到家時，天氣愈來愈差，雨也愈下愈大了； 一家人歎完個遲來的下午茶後，衡衡竟然話要試下淋雨玩水 (相信是因為今天剛為她買了一件新雨衣，衡衡非常喜歡之餘更認為這件雨衣在下雨時是無敵的) Daddy 在尚算安全的情况下批准了，只此一次喇 ！ (不過見衡衡又玩得好開心，直情唔捨得走，最後要 Daddy 冒雨捉雞仔呢！)
事後衡衡的褲腳和波鞋全濕透了，不過她帶著非常疑惑 的口吻說 : 「乜唔係著咗雨衣就唔會淋濕咩？點解褲褲同鞋都濕晒嘅！？」 怪唔之得衡衡以為件新雨衣是無敵戰衣喇 ....
Mommy 還拍了個小小短片呢 ....
or http://hk.youtube.com/watch?v=GaBxCLN7wf0
************************************
家裡兩隻貓在窗台上看什麼呢 ？
又係因為打風嘅關係，窗外突然出現了很多大大隻嘅昆蟲，好似大飛蛾，又似蜻蜓 .... 總之叫兩隻貓就這樣子蹲在窗台觀望了差不多成個鐘 .... 好似小朋友睇卡通片一樣，叫極都不移玉步呢。
沒有留言:
張貼留言