東京箱根７天親子遊 ～ 第六天 11月8日(星期四)

第六天 11月8日(星期四)
宮崎駿美術博物館~吉祥寺~買牛肉球~原宿

因 Daddy 上次到日本公幹時來訪過這個博物館，並讚不絕口。 為讓也是宮崎駿迷的 Mommy 能到此一遊，安排了半天的行程去宮崎駿美術博物館。

由新宿乘 JR 到三鷹站約需２０分鐘，再轉乘『貓巴士』到達博物館前，真方便！！

整座建築物都帶有很重宮崎駿作品的特色．．．

在兒童電影院觀看一輯約１５分鐘的動畫短片～好特別！  又參觀了製作動畫的過程和視覺效果的技巧．當然有宮崎駿本人工作間的陳設及手犒。  因博物館的室內部份是不準拍照，所以相片欠奉！

 

小朋友在大毛毛 「貓巴士」上 爬上爬落，非常高興呢！

當然要同大兵神影番張相留念喇 ～ 到此一遊！！

衡衡好鐘意在這裡走來走去；搗東搗西，由她罷！ 這裡的所有設計就是為小朋友而設呢．．．

加埋購買記念品，已逗留了三個多小時．小休後便告別博物館了．．．

 

離博物館不遠的吉祥寺站附近有一間好出名的賣牛肉球的小店 (松板牛肉)，當然要試一試係唔係咁好味先 ～～  果然正！！！

在東京的最後一個晚上，決定到原宿逛街和食晚飯。 先到 Snoopy Town 買番 d 記念品。 衡衡見到Snoopy，對 Daddy Mommy 講其實佢都鐘意 Snoopy 喎，要同 Snoopy 影番張相。  影到好似好 friend 咁...

Daddy Mommy 去年在日本旅行時已經光顧過這間 「牛角」 烤肉店，話 d 嘢好好食。 剛好來到原宿，決定今晚重臨幫靚，我們選了任食菜單~~來過豐富的晚餐。

踏入11月的新宿，到處都佈置咗好多聖誕節的燈飾同聖誕樹 ~~ 好有浪漫氣氛！